Қазақстанның депозиттерге кепілдік беру қоры (бұдан әрі – ҚДКБҚ, Қор) өз қызметі туралы ақпараттық бейнематериалдар дайындап шығарды.
Халықтың қаржылық сауаттылығын арттыруға бағытталған бұл бейнекөрсетілімдерде салымдарды қорғаудың ең өзекті тұстары қарапайым мысалдармен түсіндірілген. Ақпараттың ұғымды етіп жеткізілуінің арқасында көрермендер депозиттерге кепілдік беру жүйесінің қалай жұмыс істейтіндігін және жинақ ақшаларының қауіпсіздігін қамтамасыз ету үшін қандай іс-әрекеттер жасау керектігін жақсы түсіне алады.
Роликтер қазақ, орыс және ағылшын тілдерінде дайындалған және сюжеттік желісі бірыңғай.