Алматы қ., A25D6H8, Достық даңғылы, 136, 8-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

Алматы қ., A25D6H8, Достық даңғылы, 136, 8-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

Салымды қалай таңдауға болады

Сіз үшін не басым? Мобильділік – ақшаны депозиттен кез келген уақытта алу ма? Әлде максималды табыстылық па?

2018 жылы Қазақстанда салымдардың толыққанды топтастырылуы пайда болды. Салымшылар депозиттердің үш түрінен жеке мақсаттар мен басымдықтарға сәйкес келетін депозитті таңдау мүмкіндігін алды. Егер сізге жоспарланбаған шығындарға ақшалай резерв керек болса, мерзімсіз депозитті таңдаңыз. Ақшаны толтыру және алу шектелмеген. Ірі соманы жинап, алайда ақшаны мерзімінен бұрын алу мүмкіндігін қалдырғыңыз келсе, онда мерзімді депозитті таңдаңыз. Толықтыру шектелмеген, ішінара алу мүмкіндігі бар, бірақ бұл жағдайда, сыйақы жоғалатын болады. Барынша тиімді мөлшерлеме арқылы ақша жинауды тездеткіңіз келсе, онда толтырылатын жинақ депозитін таңдаңыз. Сіздің мақсатыңыз капиталды барынша тиімді шарттарда инвестициялап, тәуекелге бел бумау ма? Онда толтырылмайтын жинақ салымын таңдаңыз.


Мерзімді және жинақ депозиттері ақшаны мерзімінен бұрын алуды көздемейді. Бұл шектеулер үшін берілетін компенсация – жоғары сыйақы мөлшерлемесі.



Мобильділік Сыйақы мөлшерлемесі
Мерзімсіз салым Мерзімді салым Жинақ салымы

Мерзімсіз салым

Төмендетілмейтін қалдыққа дейін ақшаны мерзімінен бұрын алудың минималды шектеулері: сіз ақшаны кез келген сәтте, шектеусіз басқара аласыз

Сыйақы мөлшерлемесі – басқа депозиттермен салыстырғанда, ең төмен, бірақ инфляцияның орнын толтырады

Сіздің салымдар құрастырушыңыз

Әртүрлі салымдар түрлі тапсырмаларды шешеді. Құрамдастырыңыз – бұл сізге кез келген уақытта қолдануға болатын «қаржылық жастықшаның» болуына және максималды кіріс пен жоғары кепілдік сияқты қайтарымсыз депозиттің барлық артықшылықтарын алуға мүмкіндік береді.


Мерзімсіз салым Мерзімді салым Жинақ салымы
Мобильділік
Табыстылық
Жоспарланбаған шығындарға арналған қаржылық резерв Жоғары мөлшерлемен біртіндеп жинақтау Дербес капитал және қауіпсіз инвестициялар
Толтырылатын жылдық салымдар бойынша шекті мөлшерлеме 9,8% 10,7% 13%
Толтырылмайтын жылдық салымдар бойынша шекті мөлшерлеме 9,8% 11,2% 14,1%
Мерзімінен бұрын алу Төмендетілмейтін қалдық шегінде шектеулер жоқ Ішінара және толықтай Тек толықтай
Мерзімінен бұрын алу үшін қойылатын санкциялар Жоқ Сыйақыны ішінара жоғалту Сыйақыны толық жоғалту
Мерзімінен бұрын алу кезінде ақша беру мерзімі 7 күннен артық емес 7 күннен артық емес 30 күннен кем емес
Теңгедегі салымдар бойынша кепілдік 10 миллион теңге 10 миллион теңге 15 миллион теңге
Валютадағы салымдар бойынша кепілдік 5 миллион теңге 5 миллион теңге 5 миллион теңге


Сыйақы мөлшерлемелері

ҚДКБҚ ай сайын мерзімсіз, мерзімді және жинақ депозиттері бойынша максималды мөлшерлемелерді жариялайды.

Мерзімсіз салымдар бойынша максималды мөлшерлеме Қазақстан Республикасы Ұлттық Банкінің базалық мөлшерлемесі негізінде, ал мерзімді мен жинақ салымдары нарықтық мәндер негізінде есептеледі. Қазақстандағы депозиттік нарық одан сайын бәсекеге қабілетті бола түсуде, сондықтан осы салымдар бойынша мөлшерлемелер айдан айға өзгеріп отыруы мүмкін.


Ұсынылған максималды мөлшерлемелер екі айға (ағымдағы және келесі) белгілі. Жаңа мөлшерлемелері – ҚДКБҚ сайтында


Максималды мөлшерлемелер төмендеген кезде банктер осы айда қабылданатын депозиттер бойынша мөлшерлемелер жаңа максималды мөлшерлемелер шегінде болуы үшін, оларды өзгертетін болады. Әрбір банк өзінің депозиттік саясатына сүйене отырып, максималды мөлшерлемені ұлғайтқаннан кейін депозиттер бойынша мөлшерлемелерді ұлғайту туралы шешімді жеке өзі қабылдайды.


Егер депозитті орналастырған болсаңыз, онда салым мерзімі аяқталғанға дейін немесе мерзімі ұзартылғанға дейін оның мөлшерлемесі өзгермейді.д


Толықтырылатын және толықтырылмайтын қысқа мерзімге арналған салымдар бойынша мөлшерлемелер бірдей болуы мүмкін. Салым мерзімі ұлғайған сайын, пайыздық мөлшерлеме де ұлғаяды.
Толықтырылатын ұзақ мерзімді салымдар ерекше жағдай болып табылады. Сыйақы мөлшерлемесі толықтырылмайтын салымға қарағанда төмен, бірақ депозиттер нарығындағы мөлшерлемелер төмендеген жағдайда, сіз ақшаны дәл сол мөлшерлемеде енгізе аласыз. Тұрақты жоғары табыстылығы ақшаның сатып алу қабілетін сақтайды.



Шектеулер туралы ұмытпаңыз

Жинақ салымдарынан ақшаны мерзімінен бұрын алу бойынша шектеулер барлық банктерде бірдей – бұл ереже Қазақстан Республикасының Азаматтық кодексі деңгейінде реттеледі. Ақшаны мерзімсіз және мерзімді салымдардан мерзімінен бұрын алу кезінде сыйақының ықтимал төмендеуі банктік салым шартымен реттеледі.


Мерзімсіз салым – пайыздық мөлшерлеме инфляциядан жоғары Мерзімді салым Жинақ салымы – барынша табыстылық
Максималды мобильділік Мобильділік азырақ Минималды мобильділік
Ақшаны депозитке кез келген уақытта салып, оны кез келген уақытта алыңыз? Депозиттен ақшаны ішінара немесе толық алуға рұқсат етіледі. Тек мерзімінен бұрын толық алуға рұқсат етіледі.
Ақшаны беру – бұл туралы банкке хабарлағаннан кейін 7 күннен кешіктірмей орындалады. Мерзімінен бұрын алу кезінде ақшаны беру – банкке хабарлағаннан кейін 30 күн ішінде орындалады.
Мерзімінен бұрын алу кезінде сыйақы төмендейді. Банктегі нақты шарттарды нақтылаңыз. Мерзімінен бұрын алынған жағдайда, ақшаның банкте қанша уақыт бойы болғанына қарамастан, сыйақы жылына 0,1% мөлшерлемемен төленеді.


Депозиттерді қорғау

Қазақстанның депозиттерге кепілдік беру қоры жинақ, мерзімді және мерзімсіз салымдарға орналастырылған ақшаның сақталуына кепілдік береді – төлемнің максималды сомасы ерекшеленеді.


  • 5 миллион теңге – шетел валютасындағы депозиттер бойынша
  • 10 миллион теңге – теңгедегі мерзімсіз және мерзімді депозиттер бойынша
  • 15 миллион теңге – теңгедегі жинақ салымдары бойынша

Егер бір банкте түрі мен валютасы бойынша әртүрлі бірнеше депозит болса, онда ҚДКБҚ-ның жиынтық кепілдік сомасы - 15 миллион теңгені құрайды.