Тарату процесіндегі банктер

Эксимбанк Қазақстан 2018 жылы 28 тамызда барлық банк операцияларын жүргізу лицензиясынан айырылды.

Банкті мәжбүрлеп тарату туралы сот шешімі 2018 жылғы 28 қарашада қабылданды және 2019 жылғы 16 қаңтарда заңды күшіне енді.

Төлем агенті ретінде ұлттық пошта операторы - «Қазпошта» АҚ тартылды. Салымшыларға төлем 2019 жылдың 4 ақпанында басталды.

Қазақстанның депозиттерге кепілдік беру қоры 2019 жылдың 6 қарашасынан бастап өтініштерді дербес қабылдайды және өтем төлейді. Өтінішті поштамен жіберуге немесе ҚДКҚ-ның Алматыдағы бас кеңсесіне және Нұр-Сұлтандағы өкілдігіне келіп тапсыруға болады. Қор өтінішті қарайды және ақшаны сол өтініште көрсетілген деректемелер бойынша қолма-қол ақшасыз төлеммен аударады.

ҚДКҚ-ның өтемді төлеу жөніндегі міндеттемелері салымшыға тиесілі сомаға қарамастан, банкті тарату үдерісі аяқталған күннен бастап бір жыл бойы жарамды болады.

Өтініштер тікелей немесе пошта арқылы ҚДКҚ-ның Алматыдағы бас кеңсесінде және Нұр-Сұлтандағы өкілдігінде қабылданады:
Алматы қ., A25D6H8, Достық даңғ., 136, 8 қабат;
Нұр-Сұлтан қ., Z00T6E0, Иманов көш., 11, 104 кеңсе.

Заявление о выплате возмещения в Фонде (для банков на ликвидации).doc

46.592 KB

ҚДКҚ-ға тікелей келіп өтініш білдірген кезде өтініштен басқа өзіңізде жеке басыңызды куәландыратын құжаттың түпнұсқасы болсын.

Егер өтінішті пошта арқылы жолдасаңыз және өтем сомасы бір мың теңгеден асатын болса, өтінішке қойылған қол нотариалды түрде куәландырылған болуы қажет. Өтінішке қоса жеке басты куәландыратын құжаттың нотариалды куәландырылған көшірмесі де берілуі тиіс.

ҚДКҚ салымшылардың сенім білдірген тұлғаларының өтініштерін де қабылдайды. Сенімхатты нотариус куәландыруға тиіс.

Агент банк бас сенімхатты, сондай-ақ арнайы немесе бір жолғы сенімхатты да қабылдайды. Егер сенімхат шет тілінде жасалса, онда салымшының өкілі сенімхат пен оның мемлекеттік немесе орыс тіліндегі аудармасын ұсынады. Аудармасы да нотариалды түрде куәландырылған болуы тиіс. Апостиль қою немесе консулдық заңдастыру қажет болуы мүмкін.

ҚДКҚ «Эксимбанк Қазақстан» АҚ тарату комиссиясы мен кредиторлар комитетінің құрамына қатыспайды: 2019 жылғы 25 маусымда банктің кепілдік берілген депозиттер бойынша Қор алдындағы міндеттемелері – жалпы сомасы 258 345 948,32 теңгеге орындалды.

«Эксимбанк Қазақстан» АҚ 118 салымшысында депозиттер бойынша – кепілдік берілген ең жоғары сомадан тыс немесе төленбеген сыйақы бойынша талаптар болған.

01.07.2020 жылғы жағдай бойынша алтыншы кезектегі кредиторлармен есеп айырысулар жүзеге асырылуда. Соған сәйкес 542 361 мың теңгеге (5,0%) есеп айырысулар жүргізілді.