Алматы қ., A25D6H8, Достық даңғылы, 136, 8-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

Алматы қ., A25D6H8, Достық даңғылы, 136, 8-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

Агент банк «Delta Bank» АҚ салымшыларына өтем төлеуді жалғастырады

«Қазақстанның депозиттерге кепілдік беру қоры» АҚ (бұдан әрі – Қор) «Delta Bank» АҚ салымшыларына кепілдік берілген өтем төлейтін агент банк - «Банк ЦентрКредит» АҚ-пен (бұдан әрі – агент банк) арадағы агенттік келісімнің мерзімін 6 айға ұзарту туралы шешім қабылдады. Осылайша агент банк өз бөлімшелерінде «Delta Bank» АҚ салымшыларына кепілдік берілген өтем төлеуді 2020 жылдың 22 қарашасына (қоса алғанда) дейін жалғастыратын болады.

Агент банкпен арада қайтадан қол қойылған келісімнің мерзімі аяқталған соң, салымшылар тікелей Қорға, дәлірек оның Алматы мен Нұр-Сұлтан қалаларындағы бөлішелеріне жүгіне алады. Елміздің басқа өңірлерінде тұратын салымшылар өтініштерін және нотариус куәландырған құжаттарын пошта арқылы жіберу мүмкіндігіне ие.

Бұл оларға қосымша шығын келтіретіні белгілі. Сондықтан Қор салымшыларға кепілдік берілген өтемді алу үшін Агент банктің бөлімшелеріне жүгінуді ұсынады. Ал бұл үшін алдын ала 505 нөмірі (ұялы телефон арқылы хабарласу тегін) 8 (727) 244 30 30 немесе www.bcc.kz сайты арқылы банк бөлімшесінің жұмыс тәртібін анықтап алған жөн.

Салымшылар өтінішті агент банкке тікелей немесе сенім білдірілген тұлға арқылы ұсына алады. Жеке өзі келген жағдайда салымшы өтемді төлеу жөнінде өтінішті және жеке басын куәландыратын құжатты ұсынады. Ал сенім артылған тұлға басқа құжаттармен қоса нотариус куәландырған сенімхат ұсынады.

Агент банк Қордың атынан және қаражаты есебінен жеке тұлғалар мен дара (жеке) кәсіпкерлердің «Delta Bank» АҚ-та орналастырылған депозиттері, олардың ішінде капиталданған сыйақыларды ескере отырып, салымдары, ағымдағы шоттары және төлем карточкалары бойынша өтем төлейді.
Кепілдік мөлшері: ұлттық валютадағы депозиттер бойынша – қоса есептегенде 10 миллион теңгеге дейін, шетел валютасындағы депозиттер бойынша – қоса есептегенде 5 миллион теңгеге дейін.

Төлемдер ұлттық валютада: кассада қолма-қол ақшамен немесе салымшының өтінішінде көрсетілген банк шотына аудару арқылы жүзеге асырылады.

Еске сала кетелік, «Delta Bank» АҚ салымшыларына кепілдік берілген өтемді агент банк арқылы төлеу 2018 жылдың 17 мамырынан бері жүзеге асырылып келеді. Осы уақыт ішінде жалпы сомасы 99,7 млн теңгеге өтем төленді. Бұл Қор міндеттемелерінің жалпы сомасының 49,5 пайызын құрайды. Барлығы 326 салымшы депозиттері бойынша өтем алды. Бұл «Delta Bank» АҚ салымшыларының жалпы санының 12 пайызына тең.