Контрастты ауыстыру
Нашар көретіндерге арналған нұсқа Әдеттегі нұсқа

Депозиттік портал – жеке тұлғалардың депозиттері бойынша бірыңғай шоғырландырылған қор

Депозитті онлайн таңдаңыз

 

Жарияланымдар мен баспасөз релиздері
Барлығы депозиттерді кепілдендіру жайлы
Видеоны көру 20 секунд
info@kdif.kz
Жедел байланыс: 8 800 080 10 20
Қабылдау бөлмесі: 8(727)3122449

Қазақстанның депозиттерге кепілдік беру қорының Төрағасы болып Әбдірахманов Нұрлан Алмасұлы тағайындалды


6 тамызда Жалғыз акционерінің шешімімен (Қазақстан Республикасының Ұлттық Банкі) «Қазақстанның депозиттерге кепілдік беру қоры» АҚ Төрағасы болып Әбдірахманов Нұрлан Алмасұлы тағайындалды. Сол шешіммен Әбдірахманов Н.А. «ҚДКБҚ» АҚ Директорлар кеңесінің мүшесі болып тағайындалды.

Нұрлан Алмасұлы Әбдірахмановтың Қазақстан Республикасы Ұлттық Банкі жүйесінің әдіснамалық, бақылау және қаржылық нарықты қадағалау салаларында 20 жылдық кәсіби жұмыс тәжірбиесі бар.

2007 жылдан бастап 2011 жылға дейін Қазақстан Республикасы Қаржы нарығын және қаржы ұйымдарын реттеу мен қадағалау агенттігінің бағалы қағаздар нарығын, жинақтаушы зейнетақы қорларын қадағалау, қаржы нарығын және қаржы ұйымдарының стратегия және талдау бойынша бөлімшелерін басқарды.

Соңғы жеті жыл ішінде, 2011 жылдан бастап осы кезге дейін, Қазақстан Республикасы Ұлттық Банкінің Қаржы нарығының әдіснамасы департаменті директорының қызметін атқарды, онда пруденциалдық реттеу және қадағалау саласындағы әдіснама мен саясатты қалыптастыру, реттеушілік стандарттарды сәйкестендіру, қаржылық нарықтарды реттеу және қаржылық қызметтерді дамыту, тұтынушылардың қаржы қызметтерінен хабардар болуын арттыру, сондай-ақ жосықсыз тәжірбие – ақшаның ізін жасыру мен терроризмді қаржыландыруға қарсы әрекет ету сұрақтарына жауап берді. Осы уақыт ішінде көптеген заңнамалық актілерді әзірлеуге, соның ішінде – шоғырландырылған қадағалау, микроқаржылық ұйымдар мен коллекторлық агенттіктер қызметтері, тәуекелге бағытталған қадағалау мәселелері бойынша актілерді әзірлеуге жетекшілік етті.

Әр-түрлі жылдарда «Қазақстан қор биржасы» АҚ Директорлар кеңесінің (Биржалық кеңестің) мүшесі, Жалғыз акционердің өкілі ретінде «Қазақстанның депозиттерге кепілдік беру қоры» АҚ Директорлар кеңесінің мүшесі болды. Қаржы нарығындағы мәселелермен айналысты, Еуразиялық экономикалық одақтың құқықтық актілерін дайындады; Қаржы нарығын реттеу және дамыту бағыты бойынша Еуразиялық экономикалық комиссияда (соның ішінде қаржы нарығындағы Консультативтік комитет аясында) Қазақстан Республикасын (Ұлттық Банк) таныстыруда жұмыс атқарды.

Қазақстан Республикасы Ұлттық Банкінің Төрағасы Данияр Талғатұлы: «Әбдірахманов Нұрлан Алмасұлы Ұлттық Банк жүйесінде 1998 жылдан бастап жұмыс істейді. Соңғы жылдары Қаржы нарығының әдіснамасы департаментінде жетекшілік етті. Осы департаменттің құзыретіне кіретін көптеген сұрақтар, қалай болғанда да, Қазақстан депозиттерге кепілдік беру қорының қызметімен байланысты. Әбдірахманов Н.А. әдіснамалық жұмыста мол тәжірибесі бар; оның тәжірибесі депозиттер нарығын реттейтін салада, соның ішінде мерзімді нарықта, сондай-ақ корпоративтік таратушының функцияларын орындау үшін Қордың бастамаларын дамытуда қажет болады. Мен Қорда өзінің тапсырмалары мен бастамаларын тиімді түрде жалғастыруын тілеймін».

Қазақ мемлекеттік басқару академиясының түлегі; шетел университеттерінде оқыған.

Мемлекеттің марапаттардың иегері, соның ішінде «Ерен еңбегі үшін» медалімен, III дәрежелі «Еуразиялық экономикалық одақты құруға қосқан үлесі үшін» медалімен марапатталған.

Анықтама

«Қазақстанның депозиттерге кепілдік беру қоры» АҚ (ҚДКБҚ) – Қазақстан Республикасы Ұлттық Банкінің 1999 жылы екінші деңгейдегі банктердің салымшыларының құқықтарын және заңды мүдделерін қорғау үшін құрылған ұйымы.

Банк мәжбүрлеп таратылған жағдайда ҚДКБҚ депозиттерге міндетті кепілдік беру жүйесіне қатысушы банктердегі жеке тұлғалардың барлық банк шоттарындағы ақша қаражаттарына (соның ішінде – барлық салымдар түріне, төлем карталары мен ағымдағы шоттардағы ақшаға) кепілдік береді. Қазіргі уақытта депозиттерге кепілдік беру жүйесіне 30 банк кіреді.

Кепілдік жеке тұлға мен жеке кәсіпкердің барлық салымдарына таралады. Кепілдіктің ең жоғары сомасы бір салымшыға бір банк үшін ұлттық валютадағы депозиттер бойынша 10 миллион теңгені құраса, шетел валютасындағы депозиттер бойынша – 5 миллион теңгені құрайды (банкті мәжбүрлеп тарату туралы сот шешімі заңды күшіне енген күнгі баламада).

«Қазақстан Республикасының кейбір заңнамалық актілеріне валюталық реттеу және валюталық бақылау, қаржы ұйымдарының қызметін тәуекелге бағдарланған қадағалау, қаржылық қызметтерді тұтынушылардың құқықтарын қорғау және Қазақстан Республикасы Ұлттық Банкінің қызметін жетілдіру мәселелері бойынша өзгерістер мен толықтырулар енгізу туралы» 2018 жылы 16 шілдеде күшіне енген Қазақстан Республикасының Заңына сәйкес, ұлттық валютадағы жинақ салымдар бойынша кепілдік 15 миллион теңгені құрайды.

Біз Cізге қоңырау шаламыз
Рахмет, жолданды!
Біздің маман жуық арада
Сізбен хабарласады!